Etxean egindako “natxoak”

Zer iruditzen zaizue natxoak bertsionatzeko errezeta hau? 🌽🥑Guakamolea egiteko mila errezeta daude eta egia esan zilantro ukitu batekin ere oso ondo geratzen da… baina gure harremana belar honekin… berezia da😅😂. Lehen aldiz Txilen ikasten geundela probatu genuen… eta gorroto genuen, platera jateko gogoa kentzen zigun… Baina pixkanaka pixkanaka ohitzen goaz eta… tira… hurengoan agian guk ere gehituko diogu! 😂

Eta zuk, nola egiten duzu guakamolea?

Osagaiak:

Tortita mexikarrak (Kopurua egin nahi duzuen natxo kopuruaren araberakoa izango da, guk pakete guztia erabili dugu)
Ahuakate bat
Tipula more laurdena
Tomate erdia
Lima erdiren zukua
Gatza eta olioa

Nola egin:

Lehenengo tortita mexikarrak triangelu forman moztuko ditugu (pizza izango balitz bezala 8 zatitan bakoitza).
Ondoren, labeko erretiluan jarriko ditugu elkarren artean bananduta eta labean sartuko ditugu 12 minutuz 175ºC-ra.
Bitartean guakamolea egingo dugu. Horretarako aguakatea bowl batera aterako dugu eta sardeskarekin txikituko dugu guztia ore ehundura hartu arte.
Bestalde, kipula eta tomatea dadotxotan moztuko ditugu eta ahuakatera gehituko ditugu. Azkenik guztia nahastu, gatz pixka bat eta olio txorrotada bat gehitu eta prest egongo da gure platera.
On egin!!

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

Kontaktatu