Barazki lasaña

Nola kozinatzen duzue zuek lasaña? Prestatzeko mila modu dauden arren, guri gaur barazki xaflekin egitea otu zaigu, eta nahiz eta kalabazinarekin eginda geneukan, azenarioarekin nola gelditzen den probatu nahi genuen eta hara, sorpresa ona! Ederra gelditzen da!

Hala ere, ehundura aldetik, pastarekin egindako lasaña baino errazago apurtzen da, barazki xaflak sukaldatzerakoan ez duelako dena mantentzeko indar askorik. Baina guri horrek axola ez digunez, asko disfrutatu dugu.

Egitera ausartzen zara?

Osagaiak:

Azenario haundi bat
Kalabazin haundi bat
Kipula bat
Piper gorri eta berde bana
Mozzarella gazta.

Bexamela egiteko:

Esne edo edari begetal litro bat
80g irin
30ml oliva olio
Intxaur muskatu pixka bat
Gatz pixka bat

*6 pertsonentzat

Nola egin:

Lehenik eta behin barazkiak prestatuko ditugu. Alde batetik, kalabazina eta azenarioa xaflatan moztuko ditugu (guk mandolina erabiltzen dugu horretarako) eta bestetik kipula eta piperra dadotxotan moztuko ditugu.
Ostean kalabazin eta azenario xaflak plantxan kozinatuko ditugu eta barazki dadotxoak zartakinean salteatuko ditugu.
Hau kozinatzen ari den bitartean, bexamela egiten joan gaitezke. Lapiko txiki bat hartuko dugu, eta oliba olio pixka bat botako dugu hasieran.
Berotzen hasten denean, irina, gatza eta intxaur muskatua gehituko ditugu eta 3 minutuz bueltak emango dizkiogu eta ondoren esnea gehitzen joango gara koilararekin bueltak ematen dizkiogun bitartean, su baxuan. Poliki poliki, loditzen joango dela ikusiko dugu eta guk nahi dugun ehundura hartzen duenean sutatik kenduko dugu.
Lasañaren muntaketa egiteko, behean azenario xaflak jarriko ditugu oinarria osatuz. Gainean barazkitxo salteatuak eta gero bexamela, eta berdina egingo dugu bigarren pisua egiteko. Lehenengo kalabazin xaflak, gero barazki salteatuak ondoren bexamela eta azkenik goiko aldean mozzarella gazta pixka bat gehituko diogu.
Azkenengo pausu gisa, labera sartuko dugu gazta gratinatu dadin 10 minutuz 180ºCtan.

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

KONTAKTATU