Jan al dituzue inoiz tostak afaltzeko? Agian ohitura handiagoa daukagu gosaritan jateko, baina noizean behin afaritarako jatea ere ez dago batere gaizki. Kontuan izan behar da modu honetara eguneroko ogiaren kontsumoa handitzen dugula eta horrekin kontu pixka bat izan behar dugula baina orokorrean ez bagara pasatzen noizean behin jateko ondo dago. Ogiaren kalitatea ere garrantzitsua izango da. Beti hoberenak %100 irin integralaz egindakoak izango dira, baina askotan ez dauzkagu oso eskuragarri. Hala ere, geroz eta normalagoa da gure inguruan kalitatezko ogia egiten duen norbait aurkitzea beraz trikimailu on bat, astean behin berari erosi, xerratu eta izozkailuan gordetzea da. Eta jan behar dugun bakoitzean, xerra bat atera, txigortu eta jateko prest!