Digestive gaileta osasungarriak

Askotan, merkatuan aurkitzen ditugun produktu asko, osasungarri gisa saldu arren, benetan osagaien zerrenda irakurri ostean ez direla ikusi dezakegu.

Esate baterako, “Digestive” izena daukaten gailetekin hori gertatzen da. Alde batetik, izen horrek, gure digestiorako onuragarria dela pentsatzera eraman gaitzake eta bestalde, “integrala”, “zuntzean aberatsa” eta mota horretako baieztapenez beteta egoten direnez ere ez zaigu burutik pasatzen kaltegarriak izan daitezkeenik.

Baina benetan informazio hori guztia ziurtatzeko, osagaien zerrenda irakurri besterik ez daukagu. Eta bai, nahiz eta daukan irinaren zati bat integrala izan, beste guztia irin finduz eginda egoten da eta azukre edo gozogarri kopurua ere oso altua izaten da. Gainera, egunero kontsumitzen dugun zerbait izan daitekeela kontuan hartuta, arreta handiagoa jarri beharko genioke.

Beraz guk supermerkatuko gaileta guztiak aztertu ondoren, ez dugunez konbentzitzen gaituen bat bera ere aurkitu, etxean egitea erabaki dugu.

Animatzen al zara probatzera?

Osagaiak:

  • 200g oloa irin integrala
  • Limoi birrindura pixka bat
  • Arrautza bat
  • 25g oliba olio birjina extra
  • 1/2 koilarakada txiki legami
  • 3 datil
  • Gatz pixka bat
  • Txokolatezko estalkia egiteko (Txokolate beltza 2 zati eta koko olio koilarakada bat)

Nola egin:

  • Lehenengo eta behin, osagai guztiak irabiagailuan nahastuko ditugu txokolatea eta koko olioa ezik.
  • Ondoren, ore homogeneo bat lortzen dugunean bowl batera pasatuko dugu eta 1o minutuz utziko dugu.
  • Ostean, gainazal lau batean, labeko papera jarriko dugu eta bertara botako dugu orea.
  • Arrabolaren laguntzaz labeko paperean zehar zabalduko dugu eta ore konpaktu bat izan arte zapalduko dugu.
  • Hau lortu eta gero, gaileta forma emango diogu, guk moldearekin egin dugu baina eskuz ere egin daiteke.
  • Labera sartuko dugu 160ºC-ra 40 minutuz  (kolorea nola aldatzen doan ikusten joan).
  • Labetik ateratzen ditugunean hozten utziko ditugu eta hoztu direla ikusten dugunean txokolatezko estalkia egin dezakegu gustatzen bazaigu.
  • Hau egiteko, txokolate beltza bi zati eta koko olio koilarakada bat urtuko ditugu katilutxo batean (maria bainuan edo mikrouhin labean egin daiteke).
  • Azkenik txokolate urtuan gailetak murgildu, txokolatez estali, plater batean utzi eta hozkailura sartuko ditugu 45 minutuz txokolatea gogortu dadin.
  • Prest!

On eKin!

Harremanetan Jarri

Lorem ipsum dolor sit amet, consectetuer adipiscing elit. Aenean commodo ligula eget dolor. Aenean massa. Cum sociis natoque penatibus et magnis dis parturient montes, nascetur ridiculus mus. Donec quam felis, ultricies nec, pellentesque eu.

© Copyright 2018 - On Ekin nutrizioa eta dietetika