Dilista gorri hanburgesak

Probatu al dituzue inoiz dilista gorriak? Lekale hauek laranja koloreko dilistak dira, eta ezaugarri berezi gisa ez daukate kanpoko azalik. Horren ondorioz, sukaldatzean pure itxurako ehundura hartzen dute eta adibidez ura kenduz gero hanburgesak egiteko aproposak dira bata bestearekin itsasten direlako.

Digestio arazoak izaten dituzten pertsonentzat aproposak dira, azalik ez izatean askoz hobeto digeritzen baitira.

On eKin nutrizioa, dietista-nutrizionista, Durango

Osagaiak:

  • 160g Dilista gorriak
  • 30g Irin integrala
  • Gatza eta olioa

*2 hanburgesa egiteko osagaiak

Nola egin:

  • Lehenengo, dilistak egosi ur eta gatz pixka batekin.
  • Eginda daudenean egosketako ura kendu eta dilistak gasa batekin iragazi ahalik eta lehorren gelditu daitezen.
  • Ondoren hanburgesa forma eman eta trinkotasuna emateko irin integral pixka batekin igurtzi.
  • Azkenik olio pixka batekin zartaginean buelta pare bat eman. Kontuan hartu behar da ez dutela denbora asko behar plantxan, egosketan sukaldatuta baitaude.
  • Prest! Aukera paregabe bat barazki pistoarekin batera jatea da, ikaragarriak daude!

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

© Copyright 2024- On Ekin nutrizioa eta dietetika