Ferrero osasungarriak

Gabonak ate joka ditugu eta gure ingurua gozoz betetzen da. Adibidez nork ez ditu ezagutzen “Ferrero Rocher” bonboiak? Ba hauek gustoko badituzue hemen eskaintzen dizuegu bertsio osasungarri bat. 3 osagai soilik behar dira egiteko eta oso denbora gutxian edonor txunditzeko moduko postrea izango dugu gure eskuetan.

Ea gustatzen zaizuen!

On eKin nutrizioa, dietista-nutrizionista, Durango

Osagaiak:

Ur txigortuak, bi taza
Sei datil
Txokolate beltza tableta bat

Nola egin:

Lehenik eta behin, ur batzuk gordeko ditugu eta beste batzuk txikituko ore itsaskor bat bihurtu arte (urren krema ere erosi daiteke).
Ostean, datilak gehituko dizkiogu eta beste 5 minutuz txikituko ditugu.
Bitartean, txokolate beltza urtuko dugu maria bainuan eta urtuta dagoenean oreari gehituko dizkiogu 2 koilarakada.
Dena nahastuta daukagunean, orduerdiz hozkailuan utziko dugu ore solidoago bat izan arte.
Ondoren, bolatxoak egingo ditugu eta barruan ur oso bat utziko dugu eta berriz hozkailuan sartuko ditugu.
Bitartean kanpotik jartzeko urrak birrinduko ditugu.
Gogortxoago daudenea hozkailutik atera eta kanpotik txokolate beltzez bainatu eta fruitu lehorrez inguratuko ditugu.

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

Kontaktatu