Idar freskoak arrautza eta patatarekin

Eta idarrak, barazkien edo lekaleen taldean sartuko genituzke? Egia esanda kontuan hartzen den ezaugarriaren arabera, hainbat taldetan sailkatu genitzake idarrak. Bere ezaugarri nutrizionalari erreparatuta, elikagai gisa bi modutara azaldu daitezke, freskoan edo lehortuta. Lehenengoaren kasuan, ur eta nutriente kopuruagatik barazkien antz handiagoa izango luke eta lehortuta badaude, gehiago hurbilduko litzateke lekaleen taldera.

Beraz jaten dugun moduaren arabera, lekaleak edo barazkiak jaten ari garela esango genuke.

Osagaiak:

  • 80g idar freskoak
  • 50g kipula
  • 20g urdaiazpiko
  • Arrautza bat
  • Patata bat
  • Gatza eta olioa

Nola egin:

  • Lehenengo alde batetik, idarrak leketatik atera eta uretan egosiko ditugu 15 minutuz gutxi gorabehera.
  • Bestetik, patata ere egosten jarriko dugu azal eta guzti.
  • Bitartean, zartagin batean, aurretik txikitutako kipula salteatuko dugu eta erdi eginda dagoenean urdaiazpikoa gehituko dugu.
  • Guztia eginda dagoenean, patata zuritu, zatitu eta zartaginera gehituko dugu eta baita idarrak ere.
  • Azkenik, nahasketaren gainera arrautza gehituko dugu, tapa jarriko diogu eta kozinatzen utziko dugu.
  • Prest!

On eKin!

Harremanetan Jarri

Lorem ipsum dolor sit amet, consectetuer adipiscing elit. Aenean commodo ligula eget dolor. Aenean massa. Cum sociis natoque penatibus et magnis dis parturient montes, nascetur ridiculus mus. Donec quam felis, ultricies nec, pellentesque eu.

© Copyright 2018 - On Ekin nutrizioa eta dietetika