Samosak

Kultura desberdinetako jakiak imitatzen saiatzen gara askotan beste leku batzuetan jaten duten horren zaporea ezagutzeko asmotan. Gaur Indiako “samosa” tipikoak egin ditugu gure erara eta nahiz eta guk egindako modua ez izan osasungarriena olio dexente erabili dugulako prijitzeko, labean ere egin daitezke eta gantz kopuru hori ekidingo genuke.

Osagaiak:

Kanpoko orea egiteko:

300g gari irin integrala
130g ura
10ml oliba olio
Gatz koilarakada erdi
Piperrauts pixka bat

Barrurako:

Aza erdia
Azenario bat
Kipula bat

Nola egin:

Lehenengo eta behin, samosa barruan sartuko ditugun osagaiak prestatuko ditugu. Horretarako, aza azenarioa eta kipula, garbitu eta juliana eran moztuko ditugu.
Ondoren, zartagin batean salteatuko ditugu.
Eginda daudenea, hozkailura sartuko ditugu, gero orearen barruan sartzerakoan hau apurtu ez dadin.
Bitartean, kanpoko orea egiteko osagai guztiak nahastuko ditugu (eskuz edo irabiagailuarekin) eta bola bat egingo dugu.
Ostean, bola hori bolatxo txikietan separatuko dugu eta hauek oinarri fin bat osatuz zapalduko ditugu.
Gero, forma ematen hasiko gara. Horretarako, forma borobila emango diegu eta erditik moztuko ditugu. Moztu dugun aldeari ur pixka bat jarriko diogu pintzel batekin eta lotu egingo dugu kono forma emanez.
Ondoren, libre gelditzen den zuloan barazkiak sartu eta beste aldea ere itxiko dugu.
Hauek prest ditugula, zartakinean olioa jarri, prijitu eta prest!

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

Kontaktatu