Kalabaza krema mozzarella gazta eta haziekin

Etxean baratza badugu edo inguruan baratza daukan norbait badago sarri urteko sasoi batzuetan kalabaza ugari pilatzen da gure etxeetan. Eta beti ideia bila ibiltzen gara, prestatzeko modu desberdinak bilatzen monotoniatik irtetzeko. Egia esan, krema edo pure moduan prestatzea nahiko prestaketa modu ohikoa da, baina gainean osagai desberdinak gehitu ezkero ikutu desberdin bat ematea lortzen dugu, nutriente kopurua handitzeaz gain. Bestalde, plantxan, entsaladan, labean eta postreak egiteko, bizkotxoak esaterako, ere erabili dezakegu daukan zapore gozoagatik.

On eKin nutrizioa, dietista-nutrizionista, Durango

Osagaiak:

400g kalabaza
Patata ertain bat
3 porru
Kipula bat
30g kalabaza hazi
3 intxaur
Olioa eta gatza

Nola egin:

Lehenengo eta behin, barazkiak garbitu eta moztu eta uretan egosten jarriko ditugu.
Labana sartu eta bigun daudela ikusten dugunean, barazkiak atera (ur gabe) eta irabiagailuan sartuko ditugu. Ura ez dugu gehituko, kalabaza berak egosterakoan ura xurgatzen duelako eta ez dugulako gehiago erabiliko krema ehundura emateko. Beste errezetaren baterako erabili daiteke, barazkien nutrienteak egosterakoan bertara pasatuko direlako.
Irabiatu aurretik gatza eta olioa botako dugu.
Bestalde, kalabaza haziak eta intxaurrak zartagin batean txigortuko ditugu olio tanta batekin.
Barazkiak irabiatuta daudenean, plater batera zerbitzatuko dugu eta gainean txigortutako haziak eta mozzarella gazta zati bat gehituko ditugu.
Prest!

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

Kontaktatu