Oilasko bolatxoak, azalore eta kurri ukituarekin

Askotan buruan daukagu, oilaskoa modu osasungarrian jateko oilasko paparra plantxan jan behar dugula. Baina prestatzeko modua eta erabiltzen diren osagaiak osasungarriak badira, zergatik ez dugu beste prestaketa modurik probatuko?

Animatzen zara?

Osagaiak:

Oilasko bolatxoak egiteko

200g oilasko paparra
Arrautza bat
Bi baratxuri hagin
Ogi birrindua koilarakada bat
Gatz pixka bat
Perrexil pixka bat
Esne txorrotada bat

Saltsa egiteko:

Kipula bat
Azenario bat
Piper berde bat
Ura edo barazki salda
Kurri pixka bat

Azalorea egiteko

Azalore erdi
Baratxuri hagin bat

Nola egin:

Lehenengo, elikagaiak prozesatzeko tresna batekin, oilasko paparra, baratxuria, arrautza, ogi birrindua, perrexila, esnea eta gatza birrinduko ditugu masa konpakto bat lortu arte.
Ondoren, bolatxoak egingo ditugu masa horrekin eta plantxara kozinatuko ditugu olio pixka batekin.
Beste alde batetik, saltsa egingo dugu. Horretarako, kipula, piperra eta azenarioa zatitxotan moztu eta zartakinean salteatuko ditugu. Kolore marroixka hartzen dutenean, ura edo salda gehitu barazkitxoak estali arte, kurri pixka bat gehitu eta dena irabiatuko dugu.
Azkenik, azalorea prestatuko dugu. Horretarako, zuhaixketan moztu eta irabiagailuarekin pikatuko dugu dena “kuskus” ehundura izan arte.
Ostean, zartaginean baratxuri bat salteatu eta bertara azalore birrindua gehituko dugu, 3 minutuz kozinatu eta prest.
Egindako hiru errezetak nahastu eta gure platea prest egongo da!

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

Kontaktatu