Orburuak pastarekin

Egin duzue inoiz konbinazio hau?

Guk aurreko egunean kontserbako orburuak egin genituen baina bazkaltzeko eskastxo geldituko zitzaizkigulakoan pastarekin nahastu genituen eta sorpresa! Errezeta berria dugu denbora gutxirekin gabiltzanerako!!

Probatu nahi?

Osagaiak:

100g pasta
Kontserbako orburu pote bat
40g urdaiazpikoa
3 baratxuri hagin
1 koilarakada irin integral
Ur edalontzi bat
Gatza eta olioa

Nola egin:

Alde batetik, orburuak egingo ditugu eta bestetik pasta eta amaieran guztia nahastuko dugu.
Horretarako, baratxuria zati txikitan moztuko dugu eta lapiko batera gehituko dugu olio pixka batekin.
Kolorea aldatzen hasten zaionean, urdaiazpiko zatitxoak gehituko dizkiogu. Minutu batez utziko ditugu kozinatzen eta ondoren irin koilarakada gehituko dugu aurreko nahasketara.
Bueltak emango dizkiogu guztiari, irina olioarekin ondo nahasteko.
Ostean, orburuak potetik atera, garbitu eta baratxuria, urdaiazpikoa eta irina dagoen nahasketara gehituko ditugu eta gainetik ur bero edalontzi bat gehituko diogu.
10 minutuz utziko dugu dena su ertainean orburuak biguntzeko.
Aurreko errezeta egiten gauden bitartean, beste lapiko batean pasta egosiko dugu.
Guztia eginda daukagunean, pasta xukatu, eta orburuak dauden lapikoan gehitu eta dena nahastuko dugu.
Prest!

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

KONTAKTATU