Ratatouille

Kalabazina eta berenjena jateko ideia gutxi daukazuela esaten diguzue askotan kontsultan. Baina, kalabazin pureaz eta berenjena beteez gain badaude beste mila modu jateko. Gainera honek itxuraz denbora asko behar duela ematen duen arren, mandolina baten laguntzaz berehala egiten da. Izan ere, denbora gehien eramaten digun pausua barazkiak moztea litzateke.

Osagaiak:

1 kuiatxo
1 alberjinia
1 piper gorri
1 mozzarela bola
Olio txorrotada bat
Albahaka pixka bat
Gatza

Nola egin:

Lehenengo, kuiatxoa, alberjinia eta piperra garbitu eta xaflatan moztuko ditugu mandolina baten laguntzarekin edo laban batekin.
Mozzarella gazta ere xaflatan moztuko dugu.
Ondoren, labeko erretiluan muntaketarekin hasiko gara. Horretarako, tomate birrindua jarriko dugu oinarrian eta gainean barazki xaflak bata bestearen ondoan jartzen joango gara bertikalean. Lehenengo alberjinia, gero kuiatxoa, ondoren piperra eta gero mozzarella gazta jarriko dugu eta horrela behin eta berriz.
Dena beteta daukagunean, olio pixka bat eta albahaka gainetik gehitu eta labean sartuko dugu 180ºC-an 45 minutuz.
Prest!

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

Kontaktatu