Tortita gozoak

Denbora daukazunean gosaltzeko prestakuntza luzeagoa behar duen zerbait egiteko aprobetxatzen duzun horietakoa zara? Zer nahiago duzu gozoa edo gazia?

Gure kasuan egunerokotasunean gazia den zerbait gosaltzea nahiago dugu baina denboraz bagabiltza eta beranduago gosaltzen badugu, asko gustatzen zaigu gure gosariak gozo ikutu bat izatea. Eta egunero ez baina noizean behin horrelako gosari gozoekin asko disfrutatzen dugu. Gainera, guk presarik gabeko egunetan egingo genituenez, momentu lasaiekin erlazionatzen dugun zerbait dira tortitak eta emozionalki positiboa den zerbaitekin erlazionatzen ditugu.

Osagaiak:

2 arrautza
250ml esnea
30g Koko olioa
200g gari irin integrala
10g Legamia
3 datil
Banila estrakto pixka bat

Nola egin:

Lehenengo eta behin, alde batetik osagai solidoak (irina eta legamia) eta bestetik likidoak (arrautza, esnea, koko olioa eta banilla estraktoa) nahastuko ditugu.
Osagai likidoak nahasteko, lehenengo koko olioa urtuko dugu eta gainontzeko osagaiei gehituko diegu.
Dena nahastuta dagoenean, likidoei datilak gehituko dizkiegu eta dena irabiatuko dugu.
Nahasketa biak prest ditugunean, guztia bateratuko dugu ore homogeneo bat lortu arte.
Azkenik krepera edo zartagin antiitsaskor batera koko olio pixka bat bota, eta gainean ore kapa fin pixka bat gehituko dugu.
Burbuilak ateratzen hasten denean, buelta emango diogu eta beste aldetik egitean, prest egongo da!
*Txokolate urtuarekin, mameladarekin, frutarekin… jateko aproposa da.

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

Kontaktatu