Erremolatxa hanburgesa

Txitxirio eta erremolatxa hanburgesak egin ditugu gaur. Lehenengo proba izan da eta egia esan asko gustatu zaigu nola gelditu zaizkigun beraz errezeta hau gurekin gelditzen da!

Askotan, eta batez ere beroa egiten duenetan kostatu egiten zaigu lapikoan egindako lekaleak kontsumitzea. Baina modu honetara agian, errazagoa izan daiteke hauen kontsumoa sustatzea.

Zer iruditzen?

Osagaiak:

Kipula bat
Piper gorri bat
Bi baratxuri hagin
Erremolatxa bat
500g garbantzo egosi
50g espelta irina
Gatza eta olioa

*12 hanburgesarako osagaiak.

Nola egin:

Lehenengo eta behin, kipula, piperra eta baratxuria dadotxotan moztuko ditugu eta zartagin batean salteatuko ditugu olio pixka batekin.
Egositako erremolatxa ere dadotan moztuko dugu eta aurreko barazkiek kolore marroixka hartzen dutenean zartaginera gehituko dugu.
Barazkiak kozinatuta daudenean, irabiagailura gehituko ditugu eta bertara txitxirioak eta espelta irina gehituko dugu.
Dena irabiatuko dugu eta ore homogeneo bat daukagunean hanburgesa forma ematen hasiko gara.
Azkenik zartaginean olio pixka batekin alde batetik eta bestetik kozinatuko ditugu plantxan eta prest izango ditugu gure hanburgesak.
Jogurt saltsarekin eta eskarolarekin lagunduta ikaragarriak gelditzen dira!

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

KONTAKTATU