Txokolatezko estalkidun izozkia

Beroarekin batera izozkiak jateko gogo handiagoa iritsi zaigu!! Eta askotan izozkia, elikagai ez osasungarri batekin erlazionatzen dugun arren, ez dauka zertan horrela izan. Azken finean izozkiaren esanahia izoztutako elikagaia da. Baina ba al dakigu benetan izozki komertzial askoren osagaiak zeintzuk diren? Eta udan ia egunero kontsumitzeak ze eragin du gure osasunean? Ba al dakigu modu oso errazean egin ditzakegula izozkiak etxean?
Fruta jatea gustatzen bazaizue, hauek osagai gisa erabilita lortu dezakegu etxean egindako izozki osasungarri bat. Gainera, osagaiak egokiak direnez, gure osasunarentzat ere egokia izango da eta egun beroetan ikaragarri disfrutatuko ditugu!!

Probatu nahi?

On eKin nutrizioa, dietista-nutrizionista, Durango

Osagaiak:

Jogurt natural bat
5 marrubi
Platano bat
50g Txokolate beltza
Urrak
Koko olio koilarakada txiki bat

Nola egin:

Lehenengo jogurta, marrubiak eta platanoa irabiatuko ditugu.
Ostean, izozki moldeak beteko ditugu irabiaki honekin eta izozkailuan sartuko ditugu 12 orduz gutxi gorabehera.
Denbora hori pasatu ostean, izozkailutik atera eta kanpoko txokolatezko estalkia egiten hasiko gara.
Horretarako, txokolatea ontzi batean jarriko dugu koko olioarekin eta maria bainuan edo mikrouhin labean urtuko dugu.
Urrak ere txikitu egingo ditugu eta plater batean jarri izozkiak bertan birrintzeko.
Urtutakoan, izozkia moldetik atera eta txokolate horretan sartuko dugu eta segidan urrekin birrinduko dugu dena.
Segundu batzuk itxarondakoan txokolatea izozkiaren hotzarekin bigunduko dela ikusiko dugu eta jateko prest egongo da!

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

Contact me