Txokolatezko granola

Ba al dakizue supermerkatuko gosaritako zerealen pasiloan, produktuen %10a baino gutxiago direla osasungarriak? Zertan oinarritzen zarete zerealak aukeratzerako orduan?

Guk gaur gosaritarako edo beste otorduren batean jateko zerealen bertsio bat egitea proposatzen dizuegu. Izan ere, askotan hemen nahastutako zereal bakoitza bakarrik jaten badugu, posible da monotonoa eta zapore gutxikoa iruditzea, baina modu egokian nahastuta ikusiko duzue ze goxoa gelditzen den!

Osagaiak:

  • 100g oloa malutak
  • 100g artozko zerealak
  • 50g kalabaza haziak
  • 50g ekilore haziak
  • 50g sesamo haziak
  • 4 datil
  • Bi koilarakada koko olio
  • Txokolate beltza ontza bat

Nola egin:

  • Lehenengo, koko olio koilarakada txiki bat zartakinera gehituko dugu eta su ertainean berotuko dugu.
  • Solidotik likido izatera pasatzen denean, oloa malutak gehituko ditugu. Etengabe bueltak ematen arituko gara erre ez daitezen.
  • Hauek kolore marroixka eskuratzen dutenean artozko zerealak gehituko ditugu.
  • Aurreko nahasketarik minutu batez bueltak eman eta hazi guztiak eta datilak gehituko dizkiogu.
  • Bitartean, koko olio koilarakadatxo bat eta txokolate beltz zatia urtuko ditugu, maria bainuan edo mikrouhin labean.
  • Urtuta daudenean, aurreko zereal guztien nahasketara gehitu, dena nahastu eta prest egongo da gure txokolatezko granola!

On eKin!

Harremanetan Jarri

Lorem ipsum dolor sit amet, consectetuer adipiscing elit. Aenean commodo ligula eget dolor. Aenean massa. Cum sociis natoque penatibus et magnis dis parturient montes, nascetur ridiculus mus. Donec quam felis, ultricies nec, pellentesque eu.

© Copyright 2018 - On Ekin nutrizioa eta dietetika