Pasta kalabaza krema eta barazkitxoekin

Badakizue igandeko batch cookingetik soberan gelditu ziren elikagaiak nahastuta sortutako errezeta bat dela hau?

Imaginazio pixka batekin, lau osagai nahastu eta sekula pentsatuko ez genuen konbinazioa lortu dugu, errepikatzeko modukoa!

Egia esan, plater hau zuzenean prestatzera baldin bagoaz, denbora dexente beharko genuke, alde batetik krema, bestetik lurrundutako barazkiak eta bestetik pasta egin beharko genituzkeelako.

2 pertsonentzako

Osagaiak:

  • 200g kalabaza
  • 1 kipula
  • 3 azenario ertain
  • 1 patata txiki
  • 250g pasta freskoa
  • 1/2 brokoli
  • Gazta birrindu pixka bat
  • Olioa eta gatza

Nola egin:

  • Hiru ataletan banatuko dugu errezeta hau.
  • Lehenik eta behin, kalabaza krema egingo dugu. Horretarako, kalabaza, kipula, bi azenario eta patata zuritu, txikitu eta uretan egosten jarriko ditugu. Ura barazkiak estali eta hatzamar bat goragorarte beteko dugu.
  • Barazkiak biguntzean, gatz pixka bat bota irabiatu eta gure kalabaza krema prest izango dugu.
  • Beste alde batetik, barazkiak lurrunetan egosiko ditugu, brokolia eta azenario bat. Horretarako, mikrouhin labea erabili dezakegu lurrunean egosteko silikonazko tresna erabiliz edo lapikoan ere egin dezakegu, azpian ura egosten jarriz eta zulodun erretilu batean barazkiak jarri eta uraren lurruna aprobetxatuta barazkiak kozinatuz.
  • Azkenik, pasta freskoa egosiko dugu.
  • Bukatzeko, zerbitzatu egingo dugu. Horretarako, plateraren oinarrian kalabaza krema jarriko dugu, ondoren pasta freskoa, gero lurrunean egindako barazkiak eta amaitzeko gazta birrindua jarriko dugu gainean!
  • Prest!

On eKin!

Harremanetan Jarri

Elikadura osasuntsua zertan oinarritzen den jakin nahi al duzu? Elikadurarekin duzun harremana hobetu nahi duzu? Modu osasuntsu baten jaten disfrutatu nahi duzu? Zure beharretara egokitutako plan nutrizional bat behar duzu? Janaria prestatzeko ideia berriak nahi dituzu?.

Kontaktatu gurekin konpromisorik gabe informazio gehiago nahi baduzu.

© Copyright 2018 - On Ekin nutrizioa eta dietetika